MANIFESTALDIRA JOATEKO AUTOBUSA
eajandoain @ 15:06
Auzitegi Gorenak Juan Mari Atutxa, Gorka Knörr eta Kontxi Bilbao Eusko Legebiltzarraren burujabetasuna babesteagatik auziperatu ondoren sortu den egoera politiko larriaren aurrean, ezinbestekoa da, demokrazia amildegira daraman estrategia salatuz, gure ahotsak goratzea. Epaile zehatz batzuk “partisano” gisa, herritarren borondatearen aurkako ariete gisa, erabiltzen duten estrategia salatzeko altxatu behar dugu ahotsa.
Hori dela eta, Andoaingo EAJk, inoiz baino gehiago, ekintza politikoa aldarrikatzen du. Andoaingo EAJ kideok, elkarbizitza eta ulermena oztopatzen duten traba zein eragozpenik gabeko ekimen politiko eta instituzionala aldarrikatzen dugu.
Horrela, urtarrilaren 26an, larunbatean arratsaldeko 18.00tan, Bilbon ospatuko den manifestaldirako deia luzatzen dizuegu eta bertaratzeko asmotan dagoenak, jakin dezala Andoaingo Batzokiak autobus zerbitzu bat ipiniko duela eta izen eman nahi duenak, batzokira dei dezake. (arratsaldeko, 6:30tatik, 8:30tara; 943 59 26 01).
Zabaldu
del.icio.us
Ez dago erantzunik »
Erantzun bat idatzi